Факултети телекоммуникатсия ва технологияҳои иттилоотӣ

Дар асоси фармони ректори Донишгоҳ таҳти №110 аз 5-уми декабри соли 2007 бо мақсади омода намудани мутахассисони баландихтисос дар соҳаи алоқа, таҷҳизотҳои электронӣ ва технологияҳои иттилоотӣ аз 1-уми сентябри соли 2007 дар сохтори таълими донишгоҳ дар заминаи Институти менеҷмент ва технологияи компютерӣ факултети телекоммуникатсия ва технологияҳои иттилоотӣ таъсис дода шуд. Ташаббускор ва аввалин декани факултети навтаъсис то соли 2010 доктори илмҳои иқтисодӣ, профессор Қодиров А.Л. буд.

20 августи соли 1991 бо фармони Вазорати маорифи ҶТ факултети иқтисодӣ таъсис дода шуд. Моҳи апрели соли 1996 факултети иқтисодӣ ба ду факултет тақсим шуд. Яке аз онҳо менеҷмент ва иқтисодиёт (декан А. Маҷидов) ва дигар ҳисоби кибернетикӣ буда, сарварии онро профессор Т. Ҷалилов ба ӯҳда дошт. Моҳи июни соли 1996 декани факултет З.Х. Умаров таъин гардид.

Моҳи декабри соли 1999 ду факултет муттаҳид карда шуда, аз нав факултети иқтисодӣ ташкил ёфт, ки декани он дотсент А. Абдуллоев буд. Фаъолияти факултети иқтисодӣ як сол давом кард. Моҳи ноябри соли 2000 дар заминаи факултети номбурда факултетҳои кибернетика (декан А. Абдуллоев) ва молия ва иқтисодиёт бозор (декан А. Маҷидов) ташкил ёфт.

То соли 2006 дар факултет мутахассисон аз рӯи ихтисосҳои муҳосибот ва аудит, системаи коркарди автоматиконидаи ахбор ва идоракунӣ, таъминоти барномавии техникаи ҳисоббарор, ташкил ва технологияи ҳифзи ахбор, муносибатҳои иқтисодии байналхалқӣ тайёр карда мешуданд.

Аз моҳи ноябри соли 2003 то феврали соли 2009 вазифаи декани факултети кибернетикаро дотсент Д.М. Осимова, аз моҳи феврали соли 2009 то моҳи июли соли 2012 доктори илмҳои иқтисодӣ, профессор Т.Р. Ризоқуловва аз моҳи июли соли 2012 доктори илмҳои иқтисодӣ, профессор А.М. Раҳимов дар ӯҳда доштанд.


Дар асоси фармоиши ректори Донишгоҳи давлатии Хуҷанд ба номи академик Б.Ғафуров таҳти №29 аз 29 январи соли 2015 ва дар асоси қарори Шӯрои олимони Донишгоҳ факултетҳои телекоммуникатсия ва технологияҳои иттилоотӣ ва кибернетика бо назардошти мувофиқ будани самт ва равияҳои ихтисосҳояшон муттаҳид карда шуда, минбаъд ҳамчун факултети телекоммуникатсия ва технологияҳои иттилоотӣ, номгузорӣ карда шуд. Аз моҳи июни соли 2015 вазифаи декани факултетро н.и.ф-м., дотсент Музафаров Д. ва аз моҳи марти соли 2016н.и.и., дотсент Нуриддинова М.И. дар ӯҳда доштанд. Аз моҳи ноябри соли 2016 сарварии факултетро н.и.и., дотсент Узоқова Г. дар ӯҳда дорад.

Дар сохтори таркибии факултет 3 кафедраи тахассусӣ фаъолият доранд:

  • кафедраи технологияҳои иттилоотӣ дар иқтитсодиёт барои ихтисосҳои «Кибернетикаи иқтисодӣ», “Автоматиконии системаҳои ҷамъоварӣ, ҳисоб ва коркарди иттилоотӣ-молиявӣ ва тиҷорат” тахассусманд мебошад.
  • кафедраи барномарезӣ дар тайёр кардани кадрҳои баландихтисос аз рӯи ихтисосҳои «Таъмини барномавии технологияи иттилоотӣ», «Амнияти компютерӣ» ӯҳдадор мебошад.
  • кафедраи системаҳои бисёршабакавии телекоммуникатсионӣ баҳри тайёр намудани мутахассисон аз рӯи ихтисосҳои “Системаҳои бисёршабакавии телекоммуникатсионӣ” ӯҳдадор аст.

Бо мақсади омода намудани мутахассисони баландихтисос ва ба талаботи меҳнат ҷавобгӯ ҳамкории факултет бо ширкатҳои истеҳсолию молиявӣ ва телекоммуникатсионӣ дар сатҳи баланд ба роҳ монда шудааст.

Дар раванди таълим 9 лабораторияи компютерӣ ва 2 лабораторияи телекоммуникатсионӣ истифода мешавад.