Факултети тарбияи ҷисмонӣ

Телефон барои маълумот

Соли 1966 дар назди ДДОЛ ба номи С.М.Киров (ҳозира ДДХ ба номи акад. Б.Fафуров) факултети тарбияи ҷисмонӣ кушода шуд. Дар соли нахустини таъсисёбии факултет 51 донишҷӯ ба ду гурӯҳ - русӣ ва тоҷикӣ қабул шуда буданд. Декани нахустини факултет Дадоҷон Ботурович Ботуров буд, ки дар солҳои роҳбарии ӯ (1966-1972) теъдоди донишҷӯён аз 51 қариб ба 400 нафар расид. Дар он замон факултет як кафедраи назария ва услуби тарбияи ҷисмонӣ дошт ва мудири он Асрор Каримович Каримов буд.

Соли 1973 ба сабаби дар пойтахти мамлакат ш. Душанбе кушода шудани Донишгоҳи тарбияи ҷисмонии Тоҷикистон ба номи М.И. Калинин факултет барҳам мехӯрад ва минбаъд донишҷӯён барои идомаи таҳсил ба ин Донишгоҳ равона карда мешуданд. Бо шарофати Истиқлолияти давлати Ҷумҳурии Тоҷикистон соли 1995 дар асоси кафедраи умумидонишгоҳии тарбияи ҷисмонӣ дар таркиби факултети педагогӣ шӯъбаи тарбияи ҷисмони ташкил карда шуд, ки дар он вақт ҳамагӣ 2 гуруҳ ихтисоси тарбияи ҷисмонӣ донишҷӯён таҳсил мегирифтанд.

10 майи 2011 с. бо фармони № 84 шӯъбаи тарбияи ҷисмонӣ ба факултети алоҳида ва мустақил табдил ёфт ва дотсент С.З.Бойматов ба вазифаи декани факултет таъин гардид. Аз мохи августи соли 2015 бо фармони Ректори Донишгоҳ ба вазифаи декани факултет номзади илмҳои психология, дотсент Мингбоев А.Ю.таъин гаштааст.

Дар ҳайати факултет бо қабули донишҷӯён ба ихтисоси “Тарбияи ҷисмонӣ ва омодагии дифои ҳарбӣ” аз моҳи сентябри соли 2015 кафедраи “Омодагии дифои ҳарбӣ” таъсис дода шуд. Айни замон дар факултет 4 кафедра - кафедраи умумидонишгоҳии тарбияи ҷисмонӣ (мудир Собиров Р.Р.), кафедраи Мудофиаи гражданӣ (мудир дотсент Х.Хидиров), кафедраи варзиш ва методикаи таълими тарбияи ҷисмонӣ (мудир Абдураҳмонов Ғ.З.) ва кафедраи омодагии дифои ҳарбӣ (мудир Ҷамолов А.Ҷ.) амал менамояд.