Шӯрои собиқадорони Донишгоҳ ба ҳаёти ҷамъиятию сиёсии мамлакат, алалхусус, ба кори таълиму тарбияи ҷавонон, ки имрӯзу ояндаи давлату миллатанд, бештар ҷалб намудани шахсиятҳои таҷрибаи бои зиндагӣ дошта, тарғиби анъанаҳои беҳтарини халқ, мунтазам зоҳир кардани ғамхорию дастгирӣ нисбати собиқадорони ҷангу меҳнатро ҳамасола вазифаи муҳимтарини худ қарор додааст.

Имрӯз ташкилоти собиқадорону ҷангу меҳнати Донишгоҳ – боргоҳи муқаддас ба ҳисоб рафта, 16 ташкилотҳои ибтидоии собиқадорони факултетҳо, кафедраҳои умумидонишгоҳӣ, китобхонаи марказии илмӣ, Раёсати Донишгоҳро муттаҳид менамояд. Дар назди ин ташкилоти ҷамъиятӣ маҳфили тарбиявии “Чароғи ҳидоят” амал намуда, корҳои судмандро бо донишҷӯён роҳандозӣ менамояд.

Инчунин шоистаи қайд аст, ки аз ҷумлаи собиқадорони Донишгоҳ шодравон, профессор Қаюмов Саттор Қаюмович раиси Шӯрои собиқадорони ҷангу меҳнати шаҳри Хуҷанд ва баъд Раиси Шӯрои собиқадорони ҷангу меҳнати вилояти Суғд, шодравон дотсент Абдухолик Набиев Раиси шӯрои собиқадорони шаҳри Хуҷанд интихоб шуда, бо фаъолияти намунавии хеш нақши худро дар пешрафти ҷомеа гузоштанд.