Технологияҳои рушди таълиму тарбия дар шароити таҳсилоти фарогир

Таҳти чунин унвон маҷмўаи мақолаҳои илмӣ ва таълимию методӣ, ки аз ҷониби гуруҳи кории лоҳиаи ERASMUS+DECIDE - «Беҳтар намудани хизматрасониҳо барои шахсони имконияташон маҳдуд» ва Институти илмӣ-таҳқиқотӣ ва илмҳои педагогии назди МДТ «Донишгоҳи давлатии Хуҷанд ба номи академик Бобоҷон Ғафуров” ҷиҳати амалигардонии “Консепсияи миллии таҳсилоти фарогир дар Ҷумҳурии Тоҷикистон» ва бахшида ба “Рӯзи огаҳии миллӣ дар Тоҷикистон - 2022” (National Awareness Day of Tajikistan – 2022) аз чоп баромад. Дар он ақидаҳои олимон – нуқсонишсон, таҷрибаи кори муаллимоне, ки бо кӯдакони имконияташон маҳдуди саломатӣ дошта фаъолият доранд, дар шакли мақола гирд оварда шудааст. Дар маҷмӯҷ 30 мақолаҳои мутахасисони соҳа ва коршиносуну муҳаққон аз ҷумҳуриҳои Тоҷикистон, Ӯзбекистон ва Қазоқистон гирд оварда шуда, ба масъалаҳои таълиму тарбия ва ташкили корҳои ислоҳии кӯдакони имконияташон маҳдуди саломатӣ дошта бо истифода аз технологияи муосир пешниҳод гардида, баъзе роҳҳои беҳдошти таълиму тарбия ва корҳои ислоҳнамоӣ – солимгардонӣ шарҳ дода шудааст. Дастури таълимию методии мазкур барои нуқсоншиносон, донишҷӯён, муаллимону мураббиёни мактаб – интернатҳои махсус, ва волидайни кӯдакони имконияташон маҳдуди саломатӣ дошта кўмак мерасонад.

Ёдовар мешавем, ки дастури мазкур бо дастгирии лоиҳаи Иттиҳоди Аврупо ERASMUS + DECIDE – “Беҳтаргардонии хизматрасониҳо барои шахсони имконияташон маҳдуд” бахшида ба конфронси “Рӯзи огаҳии миллӣ дар Тоҷикистон – 2022 оид ба шахсони имконияташон маҳдуд” (National Awareness Day of Tajikistan – 2022 about people with disabilites) рӯи чоп омадааст.

Маркази иттилоот ва таҳлил