Амалҳои ТЭТ ҲНИ шабеҳи рафтори ДИИШ ва Ал Қоида аст

Терроризм ва экстремизм зуҳуроти номатлубтарини ҷомеаи ҷаҳонӣ маҳсуб ёфта, ҳамчун яке аз муаммоҳои меҳварии ҳаёти башарият боиси нигаронии тамоми кишварҳои рўи олам гардидааст. Аз ин рў, ҳар фарди худогоҳу худшинос ва ҳар сокини сайёраро зарур аст, ки нисбат ба ин гуна кирдори ҷиноятӣ ва амали ғайриинсонӣ бетараф набошад, зеро ин вабои аср мисли тори анкабут сайёраро фаро гирифтааст, ва ҳатто дар мутамаддинтарин, фарҳангитарин ва аз лиҳози илму дониш пешрафтатарин манотиқи курраи арз нишонаҳояш ба назар мерасад.

Ташкили ҷанги таҳмилӣ дар даврони нахустқадами соҳибихтиёривутаҳкими пояҳоитозаистиқлолӣ дар Ҷумҳурии Тоҷикистон шаҳодатгари он аст, ки ҲНИ аз зумраи чунин гуруҳҳои экстремистӣ, террористӣ ҳануз дар солҳои 1991 дар кишвари азизи мо решаи худро паҳн карда буд. То замони муосир доманаи фаъолияти ин созмони террористӣ торафт васеъ шуда, фаъолшавии онҳо, ба амал баровардани даъватҳо аз хориҷи кишвар ва таҳияи маводҳои бофтаву дурўғ тавассути сомонаҳои гуногуни шабакаи интернет вазъиятро боз ҳам мураккабтар гардонидааст. ТЭТ Ҳизби наҳзати ислом то ҳол кўшиш дорад, дар Тоҷикистон сохтори конститутсиониро тағйир диҳад, амнияти ҷамъиятиро халалдор созад, ҳокимияти олиро соҳиб шавад. Ба монанди он, ки ДИИШ ва Ал Қоида ба иғвоангезиву даҳшатафканӣ дар ин ё он гӯшаю канори олам машғул аст, ТЭТ ҲНИ дар Тоҷикистон ҳамин ҳадафро пиёда карда истодааст. Амалҳои шабеҳу разил ва нафратангези ин се муттаҳилда далолат ба он доранд, ки ҳар се дастпарвари як мактабанд. Аз ин рӯ, моро зарур аст, ки аз ТЭТ ҲНИ меҳану фарзандони азизи ватанро ҳимоя намоем.

Озодандеш