Изҳорот: Иллат излаганга иллатдир дунё
Муҳиддин Кабирий ТМП ташкил этилганлигинингбир йиллиги муносабати билан сӯзлаган нутқида Тинчлик ва миллий бирлик асосчиси – Миллат пешвоси, муҳтарам Президентимиз Эмомали Раҳмонга яна туҳмат тошларини отибди.
Тожикистон Жумҳурияти Президенти Эмомали Раҳмон азиз ва жонажон Тожикистонимиз учун фақат яхшилик қилди, юрт тинч бӯлиши учун, аҳоли турмуш тарзининг яхшиланиши учун хизмат қилди.
Ватанимизнинг бугунги кунда минтақа ва жаҳон миқёсида обрӯсининг тобора ортиб бораётганлиги Ватан душманларига ёқмаётганлиги шубҳасиз. Улар бутун куч-қудратларини Тожикистон халқининг тинчлигини бузишга, ҳар хил туҳмат ва бӯҳтон тошларини ёғдиришга қаратишмоқда.
Яқиндагина Ишқободда уюштирилган ҳужумда уларнинг қӯллари йӯқ эканлигига ким кафолат бера олади? Дунёдан ӯтган бегуноҳ одамларнинг тӯкилган қонларининг уволи тутишидан қӯрқишмайдими? Одам ӯлдириш энг оғир гуноҳ эканлигини билишмайдими? Билишади, лекин ӯзларининг тубан мақсадларига етиш учун онги паст ёшларни алдаб-сулдаб ӯз йӯлларига киритиб олишади. Манқуртга, замонавий зомбиларга айлантиришади. Наҳотки шу пайтгача Тожикистон халқининг тинчлигини бузишга қаратилган ҳар қандай ҳаракатлари беҳуда кетишини, Тожикистон халқи Проезиденти атрофида жипс бӯлиб, ёрқин келажак учун илдам илгарилаб бораётганлигини ҳис қилишмаган бӯлишса? Президентимиз ӯз вақтида, энг оғир дамларда Афғонистонга бориб, Ватан тинчлиги йӯлида ӯз жонини ҳам қурбон қилишга тайёр эканлигини исботлаб бӯлган. Ӯша вақтларда жуда ҳам кӯпчилик Президентимизни Афғонистонга боришдан қайтарган. У инсонни яққол ӯлим ваҳимаси билан қӯрқитган. Ботир ва жасур Президент Эмомали Раҳмон ӯшанда ӯзининг қатъиятлилигини яна бир бор жаҳон ҳамжамияти олдида исботлаган эди.
Тожикистоннинг янги авлоди Ватан байроғини кӯкларга кӯтармоқда. Турли хил спорт ӯйинларида ӯзларининг маҳоратларини кӯрсатиб, илмий конференцияларда ақлий салоҳиятларини намойиш этиб, Тинчлик ва миллий бирлик асосчиси – Миллат пешвоси муҳтарам Эмомали Раҳмон раҳбарлик қилаётган тинч ва осуда, мустақил Тожикистон номини обрӯсини оширмоқда.
Буни эса Ватан душманлари кӯролмайди. Тожикистон халқи томонидан қӯлга киритилган ҳар қандай ютуқ ғашларини келтиради. Улар Тожикистоннинг ривожланишига қайси йӯл билан бӯлса ҳам халал етказишга ҳаракат қилишади. Тирноқ остидан кир қидиришади. Иллат излашгани учун иллатга рӯпара бӯлишган.
Яхшиямки, ҳозирги ёшларнинг сиёсий онги 90 – йиллар ёшлари сиёсий онгидан яхшироқ. Улар оқ билан қорани ажрата олишмоқда. Нима яхши, нима ёмонлигининг фарқига боришмоқда.
Ватан душманлари билиб қӯйишсинки, Тожикистон халқи уларнинг қутқусига учмайди. Худо хоҳласа, 90-йиллар воқеалари ӯлкамизда энди ҳеч қачон такрорланмайди. Тинчликсевар ва ваъдасига вафодор инсон раҳбарлик қилаётган юртимизда ҳеч қачон уруш ва нотинчликлар бӯлмайди.
О. Насруллоҳ.