​Тозанашр: Шабакаҳои мултисервисӣ

Таҳти унвони «Шабакаҳои мултисервисӣ» дар Донишгоҳи давлатии Хуҷанд ба номи академик Бобоҷон Ғафуров дастури таълимӣ – методӣ интишор шуд.

Дастури таълимии мазкур дар асоси барномаи таълимии фанни “Шабакаҳои мултисервисӣ” ё худ бисёрхизматрасонӣ таҳия гардидааст.

Дар дастури мазкур доир ба масъалаҳои системаи идоракунӣ дар шабакаҳои мултисервисӣ, пахши маҷмӯи барномаҳои телевизионӣ ва радиоӣ дар шакли рақамӣ, таснифоти хизматрасониҳо, шартномаи дутарафа оид ба хизматрасониҳои мултисервисӣ, нишондиҳанда ва индикаторҳои хизматрасониҳои босифат ва умуман хизматрасониҳои гуногунҷабҳаи шабакаҳои мултисервисӣ маълумот дода шудааст.

Муаллифи дастури мазкур номзади илмҳои иқтисодӣ Сайдуллоев Умедҷон маҳсуб ёфта, барои донишҷӯён, аспирантон, унвонҷӯён ва дигар алоқамандони соҳаи телекоммуникатсия пешбинӣ шудааст.

Маркази иттилоот ва таҳлил