​«Камол Худжанди в России: исследования и переводы”

Таҳти ин унвон дар арафаи тантанаҳои ҷашни 700-умин солгарди ғазалсарои маъруфи тоҷикон ва форсизабонон Камоли Хуҷандӣ китоби нав нашр шуд.

Мураттибони китоб устодони донишгоҳ профессор Матлуба Мирзоюнус ва номзади илмҳои филологӣ Субҳон Аъзамзод буда, китоби мазкур бо саъйи Мақомоти иҷроияи ҳокимияти давлатии вилояти Суғд, бо ташаббусу дастгирӣ ва зери назари ректори Донишгоҳи давлатии Хуҷанд ба номи академик Бобоҷон Ғафуров, доктори илмҳои таърих, профессор Ҷамшед Ҷӯразода интишор гардидааст.

Китоб аз ду бахши бузург иборат аст. Дар бахши аввал маҳсули пажӯҳишҳои ховаршиносони маъруфи рус роҷеъ ба Камоли Хуҷандӣ - Е. Э. Бертелс, И. С. Брагинский ва дигарон фароҳам омаданд, ки аз арзишмандтарин асарҳо дар ин замина унвон мешавад.

Дар бахши дувум тарҷумаҳои ғазалиёти шоири бузурги тоҷик аз ҷониби тарҷумонҳои хушсалиқа А. Адалис, В. Звягинцева, В. Потапова, И. Сельвинский, Я. Козловский ва М. Синельников ба забони русӣ ва асли тоҷикиашон ҷой дода шудаанд.

Гуфта мешавад, ки ин китоби дувум дар силсилаи камолшиносӣ барои аҳли таҳқиқ ва алоқамандони мероси шоири абадзинда аст.

Маркази иттилоот ва таҳлил