Бахшида ба Соли рушди сайёҳӣ ва ҳунарҳои мардумӣ дар факултети санъати тасвирӣ ва технология дарси кушоди дотсенти кафедраи технология ва методикаи таълими он Дадобоева Муҳаррам Наимҷоновна оид ба мавзӯи “Таърих ва рушди ҳунари кашидадӯзӣ, сӯзанидӯзӣ” баргузор гардид.  

Мутобиқ ба нақшаи таҳия намудаи Раёсати илм ва инноватсияи Донишгоҳ ҳафтаи илм дар факултети педагогӣ аз санаи 2.04.2018 то 7.04.2018 ба нақша гирифта шудааст ва тибқи ин супоришот дар факултет нақшаи корӣ таҳия гардидааст, ки он аз ду қисмат иборат аст. Қисмати аввал – қисми ташкилӣ буда, дар он таҳия ва ирсол намудани даъватномаҳо оид ба чорабиниҳои ҳафтаи илм дар факултети педагогӣ ба Раёсати Донишгоҳ ва факултетҳои он, ташкили аксияи гирд овардани китобҳои бадеӣ байни донишҷўёни факултет таҳти унвони «Як китоби хуб беҳ аз хазинаи бузург», ташкили гурӯҳи донишҷӯён ва магистрантони факултет таҳти унвони “Дасти кӯмак”

Дар факултети биология ва химия, кафедраи химияи органикӣ ва амалӣ, семинари илмӣ-назариявии оиди ҳафтаи илм дар факултет гузаронида шуд. Дарчорабинии мазкур, устодон, донишҷўён ва магистрони ихтисоси «Химия” иштирок намуданд. Дар семинар координатори лоиҳа, профессори кафедраи забонҳои арабӣ Ғаффорова У. таҳти унвони“ Татбиқи лоиҳаи байналмиллалӣ “ERASMUS +” “TUTURIAL” дар донишгоҳ”  маърӯза намуд.

Санаи 30-юми март дар толори маҷлисгоҳи Донишгоҳи давлатии Хуҷанд ба номи академик Бобоҷон Ғафуров ҷаласаи ифтитоҳии Конференсияи ҷумҳуриявии илмӣ-амалии «Тағйирёбии иқлим, ақибгардии пиряхҳо ва таъсири он ба захираҳои обии Осиёи Марказӣ» бахшида ба даҳсолаи байналмилалии амал «Об барои рушди устувор» 2018-2028 баргузор гардид. Конференсияро ректори донишгоҳ, профессор Ҷамшед Ҷӯразода ифтитоҳ намуда, меҳмонони конференсияро: Тоҷибой Султонӣ – мудири шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд, Холназар Муҳаббатов - доктори илмҳои география, профессори Донишгоҳи давлатии омӯзгории Тоҷикистон ба номи Садриддин Айнӣ,  Ӯктам Муртазоев - доктори илмҳои география, профессори Донишгоҳи давлатии омӯзгории Тоҷикистон ба номи Садриддин Айнӣ, Алишер Ҷӯраев - номзади илмҳои иқтисодӣ, дотсенти Донишгоҳи давлатии омӯзгории Тоҷикистон ба номи Садриддин Айнӣ, ба ҳозирин муаррифӣ намуд.

Дар доираи иштирок дар Наврӯзи вилояти Суғд аз намояндагони зиёии Ҷумҳурии Ӯзбекистон санаи 28.03.2018 соли равон ба Донишгоҳи давлатии Хуҷанд ба номи академик Бобоҷон Ғафуров ректори Донишгоҳи давлатии Самарқанд профессор Холмуродов Рустам Ибрагимович бо гурӯҳи омӯзгорони  донишгоҳи мазкур ташриф оварданд.

Ҳадафи асоси ташрифи меҳмонони олиқадр ин пеш аз ҳама шиносоӣ бо фаъолияти гуногунсоҳа ва густурдаи таълимӣ, илмӣ инноватсионӣ ва тарбиявию фарҳангии донишгоҳ ба ҳисоб меравад. 

Тибқи иттилои Раёсати илм ва инноватсияи донишгоҳ рӯзҳои 15-16-уми марти соли 2018 Олимпиадаи 5-уми ҷумҳуриявии  донишҷӯёни муассисаҳои таҳсилоти олии касбӣ барои дарёфти “Ҷоми Академияи илмҳои Ҷумҳурии Тоҷикистон” баргузор гардид, ки дар қатори 251 донишҷӯ аз 24 муассисаҳои таҳсилоти олии касбӣ 13 нафар донишҷӯёни Донишгоҳи давлатии Хуҷанд ба номи академик Бобоҷон Ғафуров низ иштирок намуданд.

Дар фестивали 5-уми байналмиллалии "Олами Мугом" (Мугом олами) дар Ҷумҳурии Озорбойҷон омӯзгори кафедраи мусиқии суннатии тоҷики факултети санъати Донишгохи давлатии Хуҷанд ба номи академик Бобоҷон Ғафуров Солиев Сардор сазовори чойи дуюм гардида соҳиби дипломи фестивали мазкур ва мукофотпулӣ гардид. Бояд кайд намуд, ки дар фестивали мазкур аз Ҷумҳурии Тоҷикистон устод Абдувалӣ Абдурашидов (директори Академия мақоми ҶТ) ба ҳайси аъзои ҳакамон, Камолиддин Ҳамдамов (вилояти Суғд) ва Беҳруз Махкамов низ ширкат варзиданд.

Боиси ифтихор ва фараҳмандист, ки бо дастгирии бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон Наврўз ҷашни байналмилалӣ  гардид. Имрӯзҳо дар сар то сари кишвар чорабиниҳову маҳфилҳо бахшида ба ҷашни Наврӯзи фархундапай гузаронида шуда истодааст.

Дар арафаи Наврӯзи дилафрӯз дар факултети педагогии ДДХ ба номи академик Бобоҷон Ғафуров низ чорабинии идона бо шукӯҳу шаҳомати хосса баргузор гардид.