1

Донишгоҳи азим ва пуриқтидори Тоҷикистон

Кохи мӯҳташами илму ирфон

Маскани илму маърифат ва маъвои хирад

ҶАЛАСАИ НАВБАТИИ РАЁСАТИ ДОНИШГОҲ

Дар толори хурди раёсати донишгоҳ ҷаласаи навбатии Раёсати донишгоҳ таҳти роҳбарии ректори донишгоҳ профессор Ҷамшед Ҷўразода баргузор гардид. Нахуст оид ба рафти омодагӣ ба сессияи тобистона, атестатсияи давлатии хатмкунандагони соли таҳсили 2016-2017, таҳия ва танзими ҳуҷҷатҳои он дар факултетҳо Абдулфаттоҳ Раҳимов, муовини ректор оид ба таълим маълумот дода аз ҷумла зикр сохт, ки ҷиҳати тайёрӣ ва босифат гузаронидани сессияи тобистонаи курсҳои хамткунанда дар ҳамаи факултетҳо мувофиқи низомнома, ҳуҷҷатҳои зарурӣ аз ҷумла таҳия ва тасдиқи ҷадвали санҷишу имтиҳон, тестҳо, дафтарчаҳои санҷишӣ ва ғайра омода карда шудаанд. Сессияи тобистонаи хатмкунандагони соли таҳсили 2016ғ2017 дар шуъби рўзона аз ҷониби маркази тестӣ қабул карда шуда, билетҳои имтиҳоноти ниҳоии хаттӣ дар мувофиқа бо мутахасисони дахлдор тартиб дода шудаанд. Барои курсҳои боқимонда, яъне 1-3 тибқи ҷадвали раванди таълим сессияи тобистона санаи 29 майи соли равон оғоз меёбад. Имтиҳонот дар чор намуд: тестӣ, эҷодӣ, хаттӣ ва шифоҳӣ ташкил карда мешавад. 
муфаcсалтар >>
Аз назар гузарониданд:45 нафар


ҶОМЕАИ ҶАВОНОН БАР ЗИДДИ ТЕРРОР

Таҳти ин унвон бо ташаббуси устодони кафедраи умумидонишгоҳии забони тоҷикӣ дар хобгоҳи №3 чорабинии васеъ бо иштроки намояндаи раёсати донишгоҳ дотсент Ў.Умаралиева ва донишҷўён баргузор гарид. Дар гузориши худ донишҷўён таъкид намуданд, ки террор аз ҷумлаи проблемаҳои ҷиддии умумиҷаҳонӣ  ба шумор рафта, ҳамагонро ба ташвиш овардааст. Бо дарназардошти мубрам будани муаммои тундгароӣ ва сарчашмаву  анвои он, хатари он ба ҷомеаи ҷаҳонӣ, хусусан ба мафкураи ҷавонон ин мавзўъ ба самъи ҳозирин расонида шуд. Дар рафти чорабинӣ донишҷўён дар васфи Ватан, шукронаи ин сарзамин, тинҷиву осоиштагӣ ва мазаммати тундгароиву ифротгароӣ шеърҳо қироат намуданд. 
муфаcсалтар >>
Аз назар гузарониданд:26 нафар


БИЁЕД, КИТОБ МЕХОНЕМ

Муовини ректор оид ба илм ва инновактсия, доктори илмҳои педагогӣ, профессор Х.Сабуров дар аксияи «Биёед, китоб мехонем», ки бахшида ба Рўзи китобхонон дар китобхонаи вилоятии оммавии ба номи Тошхоҷа Асирӣ доир гардид, иштирок кард. Дар ин чорабинии муҳими фарҳангӣ, донишҷуёни донишгоҳ ширкат варзида,  бо китобҳои ба маърази намоиш гузошташуда шинос шуда, доир ба мавзўи аҳамияти мутолиаи асарҳои бадеӣ ва илмӣ иттилооти бештар пайдо карданд. Баргузории ин чорабинии оммавӣ дар соли таърихии  ҷавонон ба ҷалби бештари ҷавонон ба китобхона ва машғулияти китобхонӣ боис мегардад, ки роҳандозии ҳамин гуна барномаҳо аз ҷониби масъулини китобхонаи вилоятии оммавии ба номи Тошхоҷа Асирӣ дар шароити навини сайёра аҳамияти беандоза дорад. Бо татбиқи ҳамин гуна ҳадафҳо робитаи аҳли ҷомеа, аз ҷумла Донишгоҳи давлатии Хуҷанд ба номи академик Бобоҷон Ғафуров, ки яке аз марказҳои бонуфузи илмӣ дар  вилоят маҳсуб мешавад, ба китобхона ва марказҳои фарҳангӣ қавӣ гардида истодааст.
                                                                                           Маркази иттилоот ва таҳлили раёсати донишгоҳ
муфаcсалтар >>
Аз назар гузарониданд:29 нафар


МАҚОМИ АВВАЛИ ДУХТАРОНИ ВОЛЕЙБОЛБОЗОНИ ДДХ

Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон  бо ҳамкории Вазорати маориф ва илми Ҷумҳурии Тоҷикистон байни муасисаҳои таҳсилоти олии Ҷумҳурӣ  мусобиқаи варзишӣ дар намуди волейбол (бонувон)  дар мактаби махсуси кӯдакон ва наврасони захираҳои олимпӣ №5-и шаҳри Душанбе  баргузор гардид.
муфаcсалтар >>
Аз назар гузарониданд:32 нафар


МАҲФИЛИ НАВБАТИИ “ГАНҶИ СУХАН”

Дирӯз нишасти   151-умини маҳфили илмиву адабии “Ганҷи сухан”, дар  Донишкадаи иқтисод ва савдои  Донишгоҳи давлатии тиҷорати Тоҷикистон баргузор  гардид, ки дар он бештар аз 300  нафар мухлисони каломи бадеъ ширкат варзиданд.Маҳфилро масъули маҳфил Саидумрон Саидов ифтитоҳ бахшид. Сипас дар бахши  навгониҳои илмиву адабӣ, номзади илмҳои филология, дотсенти ДИСДДТТ  Гулчеҳра Аҳророва баромад карда, ҳозиринро бо китобҳои тозаинтишор ошно кард. Дар мавзӯи  “Бобоҷон Ғафуров  ва адибон” Шамсиддин Солеҳов,доктори илмҳои филология, профессори Донишгоҳи давлатии омӯзгории Тоҷикистон ба номи Садриддин Айнӣ маърӯзаи пурмӯҳтаво намуд. Дар бахши “Минбари шеър” шоир  Нуралӣ Нурзод аз ашъори нави хеш шеърҳо қироат кард. Бахшида ба зодрӯзи Шоири Халқии Тоҷикистон Лоиқ Шералӣ  дар мавзӯи “ Шеъри ваҳдат ва истиқлол дар осори Лоиқ” Дилором Эшонова, номзади илмҳои филология, дотсенти ДИСДДТТ суханронӣ карда, ба ҳозирин аз ашъори ватандӯстона ва ваҳдатхоҳонаи шоир изҳори назар кард.
муфассалтар >>
Аз назар гузарониданд:36 нафар


ВАҲДАТ-БАҚОИ ДАВЛАТУ МИЛЛАТ

Дар маҷлисгоҳи факултети таърих ва ҳуқуқи ДДХ ба номи академик Б.Ғафуров конфронси илмӣ-амалӣ таҳти унвони «Ваҳдат-бақои давлату миллат» бахшида ба 20-солагии Ваҳдати миллӣ баргузор гардид.
муфаcсалтар >>
Аз назар гузарониданд:15 нафар



<< < 1 | 2 | 3 | 4 | 5 > >>


БОҒИ БОТАНИКӢ | ОСОРХОНА | КИТОБХОНА | РАСМҲО | ИНФОГРАФИКА | ХАРИТАИ СОМОНА | АЛОҚА

Ҷумҳурии Тоҷикистон, ш.Хуҷанд, гузаргоҳи Мавлонбеков 1

ба боло