Нишасти 161–уми маҳфили илмиву адабии “Ганҷи сухан” дирӯз бо ширкати олимону адибон ва мухлисони каломи бадеъ дар толори факултети филологияи тоҷик баргузор шуд. Маҳфилро роҳбари он адабиётшинос Саидумрон Саидов ифтитоҳ бахшида, зикр кард, ки ин даъфа маҳфил ба ду санаи таърихӣ бахшида мешавад, ки яке 140 солагии  Қаҳрамони Тоҷикистон Устод Садриддин Айнӣ ва дигаре 75-солагии Ҳунарманди мардумии Ҷумҳурии Тоҷикистон Ҷӯрабек Муродов мебошад.

Декани факултети филологияи тоҷик, номзади илмҳои филологӣ  Муҳаббат Тиллохӯҷаева меҳмононро хайрамақдам гуфт ва аз дастовардҳои илмии устодон ва донишҷӯёни факултет маълумот дод.

Дар толори факултет бахши донишҷўёни кафедраи адабиёти муосири тоҷик доир гардид, ки дар он 18 маърўзаи илмӣ аз тарафи донишҷўён ироа карда шуд. Роҳбарии ин бахшро профессор Файзуллоев Н. бар уҳда доштанд. Инчунин устодони кафедра профессор Матлубаи Мирзоюнус, декани факултет Тиллохоҷаева М. ва дигарон иштирок намуданд. Бояд қайд намуд, ки дар ин бахш маърўзаҳои бисёр хубе аз тарафи донишҷўён дар мавзўъҳои мухталифи адабиёти муосири тоҷик ироа карда шуд. 

Санаҳои 13-20-уми апрели соли ҷорӣ дар Донишгоҳи давлатии Хуҷанд ба номи академик Бобоҷон Ғафуров бахшида ба Соли рушди сайёҳӣ ва ҳунарҳои мардумӣ ва Рўзи илми тоҷик конференсияи илмии устодон, олимони ҷавон ва магистрантону донишҷўён баргузор гардид. Дар ҷаласаи ифтитоҳӣ ректори Донишгоҳи давлатии Хуҷанд ба номи академик Бобоҷон Ғафуров, профессор Ҷӯразода Ҷамшед Ҳабибулло сухан ронда, аз ҷумла қайд кард, ки «Ба конференсияи имсолаи мо аз тарафи олимону устодон, докторантону аспирантон, донишҷўёну магистрантон, 1618 маърўза пешниҳод гардид, ки ин аз ширкат ва ҳузури фаъоли ҷомеаи донишгоҳ дар ин чорабиниҳои илмӣ дарак медиҳад.

Дар толори факултети телекомуникатсия ва технологияи иттилоотӣ конференсияи илми амалии Кумитаи иҷроияи ибтидоии ҲХДТ ба номи Бобоҷон Ғафуров таҳти унвони “Ҷараёнҳои ифротӣ ва мубориза бо терроризму экстремизм” бо иштироки донишҷӯён ва устодони ҷавони факултети номбурда, ҳамчунин намояндаи Вазорати корҳои дохилии ШКД-и шаҳри Хуҷанд копитани милитсия Ҷабборов Шараф ва мудири шӯъбаи кор бо ҷавонони кумитаи иҷроияи ҲХДТ дар шаҳри Хуҷанд Фирдавс Саидов ширкат варзиданд.

Тибқи нақша-чорабинии тасдиқгардида оид ба гузаронидани чорабиниҳои тарбиявӣ дар хобгоҳҳои донишҷўён барои нимсолаи дуюми соли хониши 2017-2018 санаи 18 апрели соли 2018 дар хобгоҳи №3 аз тарафи кафедраи Электроникаи факултети физикаю техника вохўрии судманд бо иштироки прокурори калони шўъбаи Прокуратураи вилояти Суғд, мушовири адлияи дараҷаи 2 – Ҷўраева Донохон Тўрахоновна бо донишҷўён бахшида ба фаҳмондадиҳӣ ва иҷрои фармони Президенти Ҷумҳурии Тоҷикистон аз 12.11.2016, таҳти №776 оид ба «Стратегияи миллии Ҷумҳурии Тоҷикистон оид ба муқовимат ба экстромизм ва терроризм барои солҳои 2016-2020» дар мавзўи «Пешгирии шомилшавии ҷавонон ба гурўҳҳои террористиву экстрамистӣ» доир гардид.

Дар хобгоҳи №3 мизи муддавар бахшида  ба конфронси илмӣ-назариявӣ бахшида ба Рўзи умумиҷаҳонии Замин ва  Рўзи илми тоҷик,  ки дар доираи Даҳсолаи байналмилалии амал «Об барои рушди устувор, 2018-2028» бо иштироки донишҷўёни дар хобгоҳҳои №1,2,3, истиқоматкунанда дар теъдоди зиёда аз 50 нафар баргузор гардид.

Мизи мудавварро мудири  кафедраи экология ва ҳифзи табиат Собиров М.С. бо сухани ифтитоҳӣ оғоз намуда, оид ба таҷлили Рўзи умуимиҷаҳонии Замин маълумотҳои мушаххас дод.

Дар толори факултети физика ва математикаи донишгоҳ семинари илмӣ – амалии ширкати “Мегафон Тоҷикистон” баргузор гардид, ки дар он донишҷўёну устодони факултетҳои физика ва математика, расомӣ-графикӣ ва менеҷери ширкат оид ба кор бо ҷомеа Фазлиддин Ҳакимхўҷаев ва дигарон ширкат варзиданд.

Дар факултаи Забонҳои Шарқ  конференсияи илмӣ-назариявӣ   бахшида ба Даҳсолаи амалиёти “Об-барои рушди устувор 2018-2028”таҳти унвони “Об-нерӯи созандаи табиат” бо ташаббуси устодони кафедраи фалсафаи ДДХ ба номи академик  Бобоҷон Ғафуров баргузор гардид. Дар он донишҷӯёни курси 2-юми факултет иштирок намуданд.