ТЕЛЕФОН:+992 342265273
EMAIL:ittilootddh@mail.ru
ИМРӮЗ
СОАТ

КАБИНЕТ
ЭЪЛОН
Шуъбаи тарбияи донишгоҳ тасмим гирифтааст, ки маҷмуаи мақолаҳоро дар силсилаи роҳнамои тарбият таҳти №20 доир ба нуктаҳои муҳими Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро бо ҷалби устодони соҳибунвону соҳибтаҷрибаи донишгоҳ таҳия ва нашр намояд. Аз ин лиҳоз, хоҳишмандем мақолаҳои устодонро дар ҳаҷми на кам аз 4 саҳифаи чопӣ бо ҳуруфи тоҷикии Тames New Roman Tj то санаи 31-уми январи соли 2018 ба суроғаи электронии hgu-tarbiya@mail.ru ирсол намоед. Мақолаҳои ба талабот ҷавобгў набуда нашр карда намешаванд.





ҶАМЪБАСТИ СОЛИ ҶАВОНОН ДАР ДОНИШГОҲ

Санаи 5.01.2018 дар толори Раёсати ДДХ ба номи академик Бобоҷон Ғафуров  дар асоси нақша чорабиниҳои донишгоҳ, чорабинии ҷамъбастии Соли ҷавонон, ки бо натиҷагирӣ аз дастовардҳои ҷавонони донишгоҳ дар соҳаҳои илму иноватсия, таълиму тарбия ва фарҳангу варзиш баргузор гардид. Дар чорабинӣ Ректори донишгоҳ профессор Ҷамшед Ҷўразода, мудири шуъбаи ташкилӣ ва робита бо ҷомеаи дастгоҳи Раиси вилояти Суғд  Тоҷибой Султонӣ, муовини сардори Раёсати кор бо ҷавонон ва варзишӣ вилоят Фирдавс Салимӣ, мудири бахши кор бо ҷавонони шаҳри Хуҷанд Исматҷонов Бахтиёр, устодон ва донишҷӯёни донишгоҳ ширкат варзиданд.  

Зимни суханронӣ Тоҷибой Султонӣ зикр намуд, ки дастовардҳои ДДХ ба номи академик Бобоҷон Ғафуров бахшида ба Соли ҷавонон боиси таҳсин буда, барои баланд бардоштани парчами Тоҷикистон мусоидат намуд. Ректори  донишгоҳ профессор Ҷамшед Ҷӯразода низ зимни баромади худ  афзуд, ки ҳамаи дастовардҳои донишҷӯёну устодони ҷавони донишгоҳ натиҷаи дастгириву пуштибонии Президенти кишвар, Асосгузори сулҳу ваҳдати миллӣ - Пешвои миллат мӯҳтарам Эмомалӣ Раҳмон мебошад, ки хусусн дар соли 2017 “Соли ҷавонон” ба дастовардҳои бештар ноил шуданд.

Баъдан дар долони  Раёсат дастовардҳои ҷавонони донишгоҳ дар соҳаҳои гуногун аз ҷумла олими ҷавони сол, иншои беҳтарин, варзишгари беҳтарин ва ғайра аз ҷониби фаъолони донишгоҳ ба меҳмонони чоранибӣ намоиш дода шуданд.

Қобили зикр аст, ки чунин чорабинӣ дар донишгоҳ аввалин маротиба баргузор гардида, бо мақсади хотирмон ҷамъбаст намудани соли ҷавонон мувофиқи фармоиши Ректори донишгоҳ таҳти №659 аз 26.12.2017 «Оид ба ҷамъбасти Соли 2017- Соли ҷавонон ва қадршиносии мутахассисони ҷавони донишгоҳ» 9-нафар дар самти корҳои таълимӣ – методӣ, 16 – нафар дар самти илм ва иноватсия , 20-нафар дар самти корҳои тарбиявӣ – фарҳангӣ, 3-нафар дар самти мутахассисон ва кормандони мухталифи донишгоҳ (Муҳосиби ҷавони сол, беҳтарин таҳиягари ҷавон, беҳтарин тарғибгари ҷавон) бо ҷом, диплом ва мукофотпули қадрдони карда шуд.

Чорабиниро барномаи фарҳангӣ ҳусни анҷом бахшид, ки дар он  дастаи санъаткорони донишгоҳ “Навои ҷавонӣ” ҳунарнамоӣ карданд.

 

Маркази иттилоот ва таҳлил

 

Аз назар гузарониданд:95 нафар



баён кардани ахборот




Electronic
ДОНИШГОҲ ДАР РАҚАМҲО
муфассалтар

ДДХ
ТЕЛВИЗИОНИ ДОНИШГОҲ
муфассалтар

ДДХ
РАДИОИ ДОНИШГОҲ
муфассалтар

Electronic
ҚАБУЛГОҲИ ЭЛЕКТРОНИИ РЕКТОР
муфассалтар