ТЕЛЕФОН:+992 342265273
EMAIL:ittiloothgu@mail.ru
ИМРӮЗ
СОАТ

ЭЪЛОН
Барои дар сатҳи баланд гузаронидани ҷашни 140- солагии сардафтари адабиёти муосири тоҷик, Қаҳрамони Тоҷикистон, устод Садриддин Айнӣ бо фармоиши ректори донишгоҳ аз 23.02.2018, таҳти № №135 байни донишҷўёни факултетҳо озмуни умумидонишгоҳии «Ёддоштхонӣ» гузаронида мешавад. Даври ниҳоии озмун дар ҳафтаи Рўзи илми тоҷик дар донишгоҳ ҷамъбаст гардида, ғолибони даври ниҳоии озмун бо туҳфаҳои хотиравии ректори донишгоҳ сарфароз мегарданд. Хоҳишмандон метавонанд, ба садорати китобхонаи марказӣ ва ё почтаи электронии romizjon-84@mail.ru муроҷиат намоянд. маркази иттилоот ва таҳлил



ба қафо
БАРГУЗОРИИ МАҲФИЛИ ИЛМИИ «КАМОЛОТИ ИНСОН» ДАР ФАКУЛТЕТИ ПЕДАГОГӢ
2018-04-09

Дар факултети педагогӣ маҳфили навбатии илмии «Камолоти инсон» дар мавзўи «Фарҳанги муошират ва тарбияи ҷавонони замони муосир» таҳти роҳбарии доктори илмҳои педагогӣ, профессор Шаропов Ш.А. баргузор гардид.

Чорабиниро доктори илмҳои педагогӣ, профессор Шаропов Шавкат Аҳмадович ҳусни ифтитоҳ бахшида, ҳозиринро бо мақсад ва ҳадафҳои асосии маҳфил шинос намуд. Ҳамзамон, профессор Шаропов Ш.А. оид ба нақш ва мавқеи муошират дар замони муосир маълумот дода, аз гуфтаҳои олими амрикоӣ Дейл Карнегӣ мисолҳои ҷолиб овард.

Сармуаллими кафедраи педагогикаи умумӣ ва касбӣ Кўчибоев Ш. дар мавзўи «Муошират чун масъалаи муҳими иҷтимоии педагогӣ» маърўза намуд. Сипас, муаллими кафедраи психологияи иҷтимоӣ ва касбӣ Ғоибов К. дар мавзўи «Муоширати педагогӣ ва рушди фаъолияти тадрисию фикрии хонанда» маърўза намуда, аз таърихи бавуҷудоии муошират ба ҳозирин маълумот дод.

Ба диққати иштирокчиёни семинар намоишномаи пурсиши афкор оид ба одоби муошират, ки аз ҷониби муаллимаи кафедраи педагогикаи иҷтимоӣ ва касбӣ Шоирахон Шарипова омода гардида буд,  пешкаш карда шуд, ки атрофи он устодони факултет ибрози андеша намуданд.

Дар охир аз ҷониби дотсенти кафедраи назария ва методикаи таълими забони модарӣ Раҳмонова Д.З. китобҳои тозанашри соҳаи педагогика ва психология ба ҳозирин муаррифӣ карда шуда, ҳамзамон иштирокчиёни ҷамъомад ба саволҳои худ посухҳои мушаххас гирифтанд.

Дар семинар устодони факултети педагогӣ, ва омӯзгорони кафедраи умумидонишгоҳии педагогикаи умумӣ ва магистрантону докторантони  факултет иштирок намуданд.

Ташкил ва баргузории чунин маҳфилҳо барои олимони ҷавон, докторантон ва магистрантон аҳамияти баланди илмӣ-тадқиқотӣ дошта, дар пайроҳаи фаъолияти пажўҳишӣ барои онҳо такони бузурге хоҳад гузошт.

Маркази иттилоот ва таҳлил

 

Аз назар гузарониданд:86 нафар



баён кардани ахборот


Electronic
ДОНИШГОҲ ДАР РАҚАМҲО
муфассалтар

ДДХ
ТЕЛЕВИЗИОНИ ДОНИШГОҲ
муфассалтар

ДДХ
РАДИОИ ДОНИШГОҲ
муфассалтар

Electronic
ҚАБУЛГОҲИ ЭЛЕКТРОНИИ РЕКТОР
муфассалтар